Eden i edinstven........TOSE PROESKI

Ова е блог за нашиот ангел непрежален....ангел кој никогаш нема да го заборавиме....ТОШЕ секогаш ќе те сакаме!

05.10.2010.

05.10.2010...Небо без ѕвезди...

5 октомври...можеби пред 5-6 години ништо не ми значел овој датум.Но токму 5 октомври 2007 како и на мене,така и на илјадници останати  им буди спомени...спомени од ѕвезденото небо.

Поминаа 3 години...зарем толку брзо? Но денес нема ѕвезди.Има само измешани емоции.За жал кобниот 16ти го потиснува сончевиот 5ти....Песни насекаде...Пораки испишани по статуси на фејсбук...сите го бараме назад.

Сите негови обожаватели низ целиот свет го одбележуваат 5ти октомври.Додека продолжиме да го правиме тоа,на некој начин тоа ни дава сила за понатаму...сила да дочекаме и нареден 5ти...да издржиме и нареден 16ти.

                                                    ТОШЕ ЗАСЕКОГАШ!

 

25.01.2010.

ТОШЕ...СРЕЌЕН РОДЕНДЕН!

...На сите неизмерно ни недостасува и ќе ни недостасува..неговата појава..неговите дела...неговиот глас кој ги тресеше трибинине на градски....

Се надевам дека не гледа од некаде и ако е така верувам дека најголема желба му е да ја продолжиме неговата мисија

Нека биде овој ден ден на песната, хуманоста и љубовта...тоа е единствената утеха...

Благодарни сме на Бога што го прати овој дар...

Благодарни сме на неговото семејство што го израсна во морален човек..

..Благодарни сме му нему...што остана дел од нашите срца...

                                                  СРЕЌЕН РОДЕНДЕН!

 

 

24.01.2010.

СО ХУМАНОСТ ДО СВЕТЛИНАТА

Ајде сите да се собереме и уште еднаш да докажеме колку го сакаме...Вечерва...20 часот...сала "Борис Трајковски"....со Хуманост до светлината!

 

17.10.2009.

НАСТАПИ

 

16.10.2009.

.........2 ГОДИНИ.............

.....Времето си минува....но некои работи едноставно не може да ги избрише......

..Секогаш ќе се сеќаваме на тој 16ти...на таа тага...на тие солзи пролеани од илјадници.....

 

..Но НИКОГАШ нема да ја заборавиме ТВОЈАТА ДОБРИНА....ТВОЈАТА ПЕСНА.....ТВОИТЕ ДЕЛА...ТВОЈАТА ЉУБОВ..............ТЕБЕ!

 

                          .........Почивај во мир ангелу.......... 



04.10.2009.

ЅВЕЗДЕНО НЕБО ЗА ТОШЕ

Утре на градскиот плоштад во Скопје,со почеток во 19:30,по повод одложениот концерт за ТОШЕ,ќе се одржи собир на сите фанови со цел да го одбележиме денот на кој тој го одржа својот последен концерт.

Се повикуваат сите оние кои го сакаат  него и неговата музика да се придружат и заедно преку песните да го создадеме огромното ѕвездено небо,уште посјајно од она пред две години...

                                                   Зошто...... ЕДЕН Е ТОШЕ.....

24.08.2009.

1 ГОДИНА EDEN I EDINSTVEN...TOSE PROESKI

...Едно големо благодарам на сите посетители на блогот,што одвоија од своето време и што беа дел од него во изминатава година...Во иднина повеќе постови и вести...а се надевам и коментари :D

25.01.2009.

ПРОМОЦИЈА НА THE HARDEST THING

Денес,по повод роденденот на нашиот ТОШЕ,во 19 часот во Домот на АРМ во Скопје,ќе се промовира долгоочекуваниот албум на англиски јазик The Hardest Thing.Со првичен тираж од 150.000 примероци,албумот е наменет за пазарите во Македонија,Хрватска,Словенија,Босна и Херцеговина и Србија.Покрај "The Hardest Thing","Арија"-дуетот со познатата италијанска пејачка Џана Нанини и дуетот со внукот Кристијан-"My Little One",на албумот ќе има и други песни,до сега непознати на јавноста,снимени на локација во Лондон,Јамајка и Ирска.За реализирањето на оваа желба на ТОШЕ,голем придонес има еден од најпознатите музички композитори од Англија,Енди Рајт.

Со гласовите од фановите,во декември официјално беше избрана обвивката за албумот.Од 4те предлози,победи дизајнот на Жарко Стојановски,на кој е претставен ликот на ТОШЕ,а во позадината е Крушево во ноќ и небо на кое силно сјае една најсјана ѕвезда.

Албумот наредната недела ќе биде промовиран и во Загреб,Белград и Сараево,а уште денеска е пуштен во продажба во Македонија.Од 12 февруари во киносалите во регионот се очекува документарен филм за ТОШЕ.

 

..................И најпосле,остатокот од светот ќе го чуе ангелскиот глас..........................

25.01.2009.

.........СРЕЌЕН РОДЕНДЕН АНГЕЛУ...........

Ниту еден збор,колку и да е оној вистинскиот и правиот,не може да го искаже она што со него се нарекува,она што тој со себе го одредува.Секогаш ќе му недостасува нешто за што нема зборови,нема име.

Затоа ќе кажам само "Ни недостасуваш премногу брате.Твојот роденден ќе го славиме вечно!"

............................................ТОШЕ...ТЕ САКАМЕ...................................................

13.12.2008.

ОБВИВКА ЗА ПОСЛЕДНИОТ АЛБУМ НА ТОШЕ- THE HARDEST THING

На 25. јануари 2009-та година,на роденденот на нашиот АНГЕЛ,ќе се промовира долгоочекуваниот албум на англиски јазик-The hardest thing.CD-то истовремено ќе биде објавено во Македонија,Хрватска,Србија,Босна и Херцеговина,Словенија и Црна Гора,а до наредното лето и во повеќе европски земји.

Со дозвола на Меѓународната фондација Тоше Проески,менаџерката Љиљана Петровиќ и AWARD продукцијата,решија изборот за каверот за најновиот албум,да им го препуштат на фановите на ТОШЕ.

Преку порталите MMM.com.mk,oд Македонија,Index.hr,oд Хрватска,Siol.net и Planet.si,од Словенија,Sarajevo-x.com,од Босна и Херцеговина и Svetplus.com,од Србија,сите обожаватели ќе можат да гласаат за еден од 4-те предлози.Кога ќе се соберат гласовите од сите портали,најдобрата обвивка ќе замине на печатење на 25-ти декември.

ТОШЕ секогаш веруваше во својата публика.Ајде сите заедно да допринесеме со својот глас!Нешто што него премногу би му значело......

                                                            ЕДЕН И ЕДИНСТВЕН

                    .................................................ТЕ САКАМЕ.........................................................



10.11.2008.

ИНТЕРВЈУА НА ТОШЕ ЗА "ТАА"

Девојките како инспирација

Има само 18 години, а сепак е најжешката ѕвезда во Македонија во моментов. Колку се девојките залудени по него, се чини дека тоа ќе биде уште долго време. А и девојките конечно си најдоа миленик на кого би му поклониле се, вклучувајќи го и срцето.
Кога пред некое време на другарките им кажав дека имам договорено интервју со ТОШЕ ПРОЕСКИ, мислам дека ќе се испотепаа која од нив да дојде со мене, иако се постари од него по неколку години.
Роден е во јануари 1981 година, значи во хороскоп е Водолија, а во подзнак е Скорпија. За два месеца ќе го заврши своето средно образование во средното музичко училиште во Битола и размислува за упис на Музичката Академија во Скопје. Но, не се сеќава на некои посебно интересни случки од основното или средно училиште.
"Сигурно е дека сме правеле некои глупости во тие години. Би сакал да се вратат.", вели Тоше.
Музиката му е главна преокупација во животот. "Мислам дека преку музиката најдобро можам да ги искажам своите чувства.", вели тој.
Сака со музиката да постигне нешто во неговиот живот, да биде некој и нешто. Дури и денеска по само три песни Тоше е големо име на македонската забавна музичка сцена, а со темпото со кое работи, настапува и пленува женски срца, се чини дека тука и ќе остане, на самиот врв.
Постојано патува. Најчесто се движи на релација Крушево - Битола - Скопје.
"Ми се допаѓа Скопје, ноќниот живот тука. Најискрено, би сакал да останам да живеам тука, но времето ќе покаже.", вели Тоше.
Иако навечер многу не излегува, сепак низ Скопје прошетал на многу места и видел колку е убаво. Најчесто излегува во Ладу Блуе 2 и Мо Јазз, но многу му е жал што местото е сега затворено.
Крушево е познато како место со прекрасни скијачки терени. Зошто тогаш Тоше не се занимава и професионално со скијање?
"Иако скијањето ми е хоби, сепак немам многу време. На музиката и обрнувам повеќе внимание отколку на скијањето. Како што велат на две столици не се седи, а јас решив да седнам на музиката.", се смешка задовлно Тоше. "Дури и да треба да одберам нешто друго во животот, сепак би одбрал да бидам пеач."
Постојано насмеан, подготвен да подели неколку автограми (моите другарки се среќни што земав по еден и за нив), да поразговара со луѓето околу него, Тоше скромно вели дека не е свесен колку е популарен.
"Се уште не можам да се свестам, затоа што се се случи многу на брзина.", вели тој.
Вели дека не е вљубен, но дека девојките ќе откријат многу работи за него преку песните кои ги пее, какви девојки сака, што сака и колку знае да сака воопшто. Искрено речено, само меѓу нас, никој не може да отпее така емотивно и прекрасно, ако не знае да сака.
Ако даде оглас во весник за тоа каква девојка бара, што би пишувало во него?
"Да не правам исклучоци во врска со огласот, ги обожавам сите девојки со добар карактер.", вели Тоше. "Тие се секаде исти. Нема потреба да правам некои исклучоци. Не планирам да направам некоја класификација, па ако речам дека сакам русокоси да ми се налутат другите или обратно. Јас ги сакам сите."
Нема девојка и вели дека е во потрага по онаа вистинската. Значи, сепак, Тоше може да даде оглас во кој ќе ја бара вистинската девојка.
Неговите песни до сега ги пишувал Огнен Неделковски, па затоа ниту една песна не и е посветена на некоја девојка посебно. Но тоа ќе се измени.
"Кога ќе почнам јас да пишувам, се разбира дека текстовите ќе бидат посветени. Сигурно е дека девојките ќе ми послужат како инспирација за некоја песна.", вели Тоше Проевски.
Верува во љубов на прв поглед. Еднаш му се случило да се вљуби на прв поглед, но како што вели самиот, траело кратко. До сега полно пати му пришле девојки и му изјавиле љубов.
"Тоа ми се случува не само мене, туку и на некои мои колеги. Не е лошо тоа. Некои велат пак дека нема смисла девојка така да ти се додворува. Но, не можам да ти опишам како се чувствувам тогаш, затоа што не знам ни јас.", вели тој.
Други, пак му се јавуваат по телефон. Со сите нив разговара, но вели дека не може да одвои многу време заради големиот број обврски кои ги има и се надева дека девојките нема да му замерат поради тоа. Најчесто го прашуваат кога е роден, што е во хороскоп, некои такви работи...
Што би порачал Тоше Проески за крај на читателите на ТАА?
"Читајте ТАА, затоа што е моментално најдоброто списание во Македонија. Го обожавам. Имам многу другарки кои го читаат и кои  ми го читаат и мене и знам што пишува внатре.", вели Тоше Проески, љубимецот на многу девојки во Македонија.

                                                    Менувам мобилни ко чорапи

Како да се дефинира поимот “посакуван”? Само со два збора - Тоше Проески. А колку е всушност посакуван Тоше Проески? Ниту една девојка не би имала против да го има покрај себе, а ниту една мајка не би посакала подобар и позгоден зет од него. Ама Тоше се чини сéуште не ја нашол љубовта на својот живот. И бара и бара и бара...
Во последнава година настапи во три различни држави. И одеднаш од миленик на македонските тинејџерки се претвори во миленик на женската популација на три различни континенти. Вели дека е тоа донекаде точно.
“Еве и тука во Македонија почнавме пополека, но кругот на женски обожаватели постепено се ширеше, се ширеше... Мислам дека е тоа најмногу заради пеењето, но и тоа што уживам додека пеам.”, вели Тоше.
“Шармот!”, се надоврзува неговиот добар пријател Иле.
“Да и шармот. Браво!”, потврдува Тоше.
И веќе не е колекционер на женски срца само кај нас. Многу срца скрши и во Австралија, Украина, Црна Гора, секаде каде што настапуваше. Вели, скршил околу седумдесетина срца ... “ги начекав, им ги скршив срцата и се вратив. После кога си дојдов дома ги спојував.”
Па раскажува за впечатоците од гостувањата:
“Во Австралија беше прекрасно. Лошо беше тоа што многу патувавме и тоа многу нé измори. Не можевме да се прилагодиме на времето, заради саатите со кои сме напред - назад некако. Дури се соземавме мораше да се вратиме. Сепак го видов најбитното, “Опера Хоусе”, она што ми требаше да го видам. А таму има доста дистрибутери на македонска музика таму, но и многу луѓе кои купиле од цедињата и кои ги научиле песните и пееа со мене. И изгледа си во право дека јас бев единствениот кој добиваше ружи.”, вели тој па продолжува: “А што се однесува до девојките таму, 10:1 во полза на нашите. Украинките, Русинките и Црногорките се добри, а Австралијанките се некоја чудна раса, надвор од конкуренција.”
Посебно му бил драг настапот во Црна Гора, затоа што вели кога запеал, толку бил прифатен од публиката, што почувствувал дека пее тука во Македонија. Токму поради тоа решен е неговата кариера да земе еден нов замав, да тргне во нов правец и да почне да ја гради и таму, да пее и да биде прифатен пред сé. А дека работите течат онака како што сака Тошка, покажува и фактот што неговите спотови снимени овде, како и снимката од настапот на “Сунчане скале” се вртат и неколкупати дневно на ТВ Пинк, најголемата музичка телевизија во соседна Југославија.
Па како тогаш неговата девојка реагира на обожавателките кои буквално го напаѓаат, сакаат да се сликаат, бараат автограми и кубат коси по него?
“Које девојка? Немам девојка моментално. Стварно немам. Се лажеш ако мислиш дека имам девојка!”, категоричен е Тоше.
Сепак не е мал број на девојките кои, кога ќе му дадат ливче со телефонскиот број, потајно се надеваат дека Тоше ќе им се јави.
“Не беше така порано, девојките не ми оставаа телефони. Можеби затоа што не бев познат. Од тука произлегува и тоа што ти го кажав, дека причината поради која ме сакаат е во пеењето.”
Многу ме интересираше колку често ги менува мобилните.
“Ау, многу често, како чорапи, со заслуга на другар ми Иле.”, вели Тошка и започнува да ја раскажува приказната за мобилниот, нуркањето и скарата. Дури и да ти се чини дека овие три работи не се поврзани и немаат никаква смисла, сепак приказната е вистинита.
“Сега ќе правиме реклама на СИЕМЕНС М35. Се случи катастрофа кога го земавме СИЕМЕНС-от. Иле, донесе два такви телефона, еден за него и еден за мене. Ние сакавме да провериме дали навистина се водоотпорни. Тие би требало да се водоотпорни, ама онака ако малку се испрскаат. А ние го ставивме телефонот во чаша со вода и по извесно време почнаа да излегуваат меурчиња од чашата. Па го отворивме, ама не можевме никако да најдеме фен да го исушиме. Кога вечерта отидовме во ресторан, земавме маша од куварот и го ставивме телефонот на скарата, да се исуши од пареата и топлото. Така да, имавме еден бурен и напорен ден со телефоните!”, вели Тоше и ниту тој, ниту некој од присутните не можеше да се изнасмее кога раскажуваше за нивната незгода.
Вели има огромен круг на пријатели и оние од порано, но стекнал и многу нови. Дури признава дека има една девојка која на него гледа само како на пријател и за која верува дека тоа ќе му остане до крајот на животот. А и колешките од факултет, вели го гледаат само како пријател.
“Со пријателите се дружам онолку колку што ми дозволува времето.”, вели со жалење. Никогаш не му се случило да заплаче заради некоја љубов.
“Не ми се случило, ниту заради љубов, ни заради физичка болка, ни вака. Тоше не плаче, никогаш. Тоше е со јако срце.”, вели.
А солзите кои прават златен прстен се само за во песните.
Опсесија му е Мерцедес, а има и песна на која “одлепува тотално”. Тоа е Спениш Гитар од Тони Брекстон и вели дека се губи тотално кога ќе ја чуе. Има и една мала маана. Секогаш кога патува со авион, а во последно време тоа е често, прашува Над кој град сме?
“Ова си го добила како информација од Иле, сигурно.”, вели и се смее. “Кога летавме за Црна Гора, прашав една од девојките во авионот над кој град сме, а таа не знаеше да ми одговори. Не смее да се случи стјуардеса да не знае да ти одговори на такво прашање, а долго време да патува на истата релација. Тоа е катастрофа. Кога летавме за Австралија имаше екран на кој е нацртана картата на светот и се одбележува маршрутата по кој летаме. А и сами те известуваат над кој град си.”
Вели, кога ја пуштил брадичката многумина му рекле дека е а-ла Петар Грашо или Жељко Јоксимовиќ, па затоа ја избричил, затоа што не сакал да биде спореден со некој друг, да биде а-ла.
И се разбира, Тоше мораше да одговори и на неколку “филозофски” прашања.
Која е суштината на животот?
Да се сака, да имаш некој што те сака, да си сигурен дека те сака и дека е само со тебе.
Колку си чувствителен?
Доста. Со оглед на тоа како ги пеам песните има нешто што ме прави да сум чувствителен.
Која ти е ѕвезда водилка во животот? Што е она што те тера да одиш напред?
Самодовербата и подршката од моите дома.
Што ти значи дождот во животот?
Бериќет. Уште на почетокот на кариерата, а и во последно време само врне. Не знам што ќе правам со толкав бериќет. Ако, нека има.
И за крај, реши да си каже нешто што му лежи на душа, што му пречи и што не го кажал до сега.
“Токму денес сум испровоциран од една работа. Тоа е патот на Плетвар. Нека се најде, ве молам, некој да го направи патот или барем уште една лента, нека го поправи малку, затоа што ги искршивме колите. Ова е еден апел до Македонија пат. Како што може да се прави патот до Тетово, Гостивар и преку Стража... Најпрометниот пат во моментов, Плетвар, има по една лента од двете страни и токму тие се катастрофални. Да му е страв на човек да тргне на пат. Ни телефон мобилен фаќа како што треба, ни мрежа има, ни ништо. Таму се случуваат и најмногу сообраќајки. Па нека се најде некое чаре. Е стварно ова ми лежеше на срце, морав да го кажам.”, вели Тоше за крај и додава дека ако се потпишува петиција, ќе биде првиот кој ќе го стави својот потпис таму.

 

Затишје пред бура

 

За него воопшто не треба да се пишува вовед. Нема некој кој не го знае, ниту пак некој што не го сака (освен злобниците, а такви има малку). Секој може да му позавиди на успехот, шармот, убавината и пред се на гласот. А ги поседува во изобилство сите четири работи, тие се дел од неговата прекрасна личност. И што да се каже друго за почеток, освен можеби дека ова беше прво интервју кое Тоше Проески го даваше во автомобил, на другар му -----, затоа што неговот толку познато Пежо 206 сега има нов сопственик.
Годинава која полека изминува беше дефинитивно негова година. Како и онаа претходно. И онаа пред неа. Дека и 2002 ќе помине во негов знак, не се сомневам. За само неколку месеци успеа 5 пати да ја напони универзалната сала, да се претстави пред белградската публика и да одлета до Австралија, каде што пееше заедно со неколку наши познати музички имиња. Но, мора да постои барем еден концерт кој му е посебно драг.
“Тој во Белград, затоа што не очекував да бидам така примен од белграѓаните. Стварно беше прекрасно. Немам зборови да ја опишам ни атмосферата ни околностите под кои се случуваше тоа”, вели Тоше. “Имавме само ситен технички проблем со гитарата на Харе, не беше исправна од половина концерт па натаму. Ако на некого концертот му звучи некако неубаво, единствената причина е гитарата на Харе”.
По една година Тоше повторно беше во Австралија. Лани се пожали дека не му се допаднале тамошните девојки. А оваа?
“Навистина нема убави девојки. Тие се некоја чудна нација. Едноставно не видов убава двојка”, вели тој.
Единственото нешто што се сменило за една година на најмалиот континент е што кенгурчињата што биле мали минатата година, сега се потпораснати. За разлика од лани, Тоше сега чувствува дека публиката повеќе го сака, што многу го радува. Стекнал многу повеќе пријатели во однос на минатата година, се запознал со многу битни луѓе, стапил во контакт со продуцент од австралиска продуцентска куќа. Но, за жал организацијата била на многу послабо (што би рекол Тоше чкрипаво) ниво, споредено со лани.
“Сепак, успеавме целото време додека бевме таму, тие 14 дена да се забавуваме. Видовме доста знаменитости кои не ги видовме пред една година”, вели задоволно.
Во моментов е на заслужен одмор и не работи на ништо ново.
“Не сакам да го запоставам факулетов. Тоа ми е главна преокупација. Мора да го завршам за да еден ден станам голем оперски пеач. Тоа ми е желба. Но, полека ќе почне да се снима и третиот албум. Сите велат дека на третиот албум треба најмногу да се внимава, да биде подобар од претходните два, за да се види дека едноставно се напредува по нагорно ниво”, вели Тоше.
На голема радост на девојките кои го сакаат, Тоше признава дека нема девојка. Но сега истите тие девојки имаат помали шанси да го најдат неговиот телефонски број, да му се јавуваат и да му велат “Тоше, те сакам!”
“Навистина, телефонот ми се смири, не ѕвони толку. Овој број не може да се дознае како останатите. Убаво го скрив, па ми се чини дека малку ќе потрае. Мада, би можел сега да го кажам, ха, ха”, се смее тој.
Деновиве Тоше го доби својот нов автомобил, повторно Пежо, но овој пат малку поголемо - 307.
“Едноставно полека ми се остваруваат соништата. Тоа ми беше огромна желба по 206-ката. Господ гледа и ми ги исполнува желбите”, вели. “Како возач сум примерен. Не возам брзо, ама не возам ни споро. Почитувам правила, давам предност. Си го сакам мојот нов автомобил.”
Последниве неколку години Тоше живее сам.
“Живеам со тројца цимери. Живеам сам уште од 15 годишна возраст, во Битола. Сега ми е полесно. Се навикнав да си го водам животот сам. Одвоен сум од моите веќе 5 години. Мора да признаам дека во почетокот ми беше многу тешкo, па преку неделата морав да си одам дома. Секоја среда си одев во Крушево, затоа што не можев да дишам без нив. Така бев воспитан и навикнат. Но, годините си го прават своето. И карактерот ми е формиран и личноста. Друго се 15, друго се 20 години.”
Човек не може да го види во кујната, скоро никогаш. Вели нема време ниту за готвење, ниту за миење садови. И тој и неговите цимери се премногу зафатени, па цело време се на брза храна, а кога ќе им се смачи, одат и јадат во ресторани. Значи, човек не може да го види Тоше на пазар како шета со кеси, затоа што не пазари.
Од дома не излегува без телефонот. Вели тој му е неопходен и не може да го замисли животот без него.
Спортува. Активно тренира кик-бокс веќе 11 години.
“Едно време паралелно тренирав и одбојка, со еден од моите цимери во Крушево. Но, од тоа се откажав затоа што тренинзите беа исклучиво во Крушево. Кик-боксот го тренирам активно уште од 12-13 години, па затоа немав пречка потоа да продолжам со тренинг и во Битолка кај професорот Златко Неделковски”, вели.
Што му е страст во животот?
Вели, возењето. Ужива додека вози.
Поседува и огромна колекција на плишани мечиња.
“Почнав да ги селам во Скопје, затоа што во Крушево веќе немам место. Сите ми се омилени, затоа што се од публиката. Ниту едно не е дадено на некој специјален начин. Сите ги имам добиено на концерт и подарени ми се од срце. На нив има огромен број на натписи, а уште поголем број на телефонски броеви. Имам прекрасна колекција”, раскажува Тоше. “И да, сум се јавил на некои од тие броеви”, признава.
Каде и да се појави, секаде е во центарот на вниманието. Во моментов, сепак смета дека не привлекува толку внимание, затоа што не работи ништо, нема настапи, ниту пак некој нов спот. Овој период се надева дека е затишје пред бура. А бурата ќе биде третиот албум.
Со неговото темпо на живот неопходно му е да се релаксира.
“Обично се одмарам во Крушево. А кога ќе ми се смачи од луѓе, од контакти, влегувам во кола и се издувувам некаде надвор од градот, возам, онака сам, со пуштена музика. Многу ми е убаво тогаш. Во Крушево, пак ми е најубаво во зима”, вели тој.
Уште вели дека до сега не се случило неговите пријатели да ја користат неговата популарност за да си фатат девојка.
“Моите пријатели, особено цимерите, имаат долги врски, девојки со кои се уште пред јас да станам популарен”, вели.
Неговата порака овој пат не е да се поправи патот на Плетвар.
“Искрено да ти кажам, изгледа некој ме послуша и сега Плетвар го прават со 3 ленти. Ете, и таа желба ми се оствари. Што би порачал? Сите да се сакаат, да си ја зачуваме Македонија, да не реагираме непромислено и да ни се врати мирот, да може да се пее. Проески Тодор е моментално закочен и не може ништо да работи заради актуелната ситуација во Македонија. Мислам дека нема смисла некој да гине, а некој да пее”, вели Тошка.

 

26.10.2008.

СЛИКИ ОД КОНЦЕРТОТ

Иако со мало задоцнување,еве неколку слики од концертот на 5 октомври........





















19.10.2008.

17.10.2008

16.10.2008.

16.10.2008.......НИШТО ПОВЕЌЕ НЕ Е ИСТО..........

Година............помина една година........и сеуште сите се прашуваме зошто?Зошто баш ТИ?!?.Дали некогаш и ќе го дознаеме одговорот на ова прашање?Можеби........

Долго време се двоумев дали ќе можам да напишам нешто за овој ден.Денот кој сите сакаме да го избришеме од нашето сеќавање......но не можеме!Реката од солзи,сликите,мирисот на свеќите,безбројните пораки во алеата на градскиот плоштад се делови од големиот мозаик на тага и болка.Тој кобен 16 го однесе со себе убавото,а зад себе остави пустош,остави рана која вечно ќе ги обвива нашите срца.Ех колку ни недостасува!!Колку само  би сакале повторно да го чуеме НЕГОВОТО ВЕ САКАМ СИТЕ!Ништо повеќе не е исто...................

Дали постои утеха?Не верувам.........но сепак ни остануваат убавите спомени.НЕГОВИТЕ песни,концерти,многубројните хумани дела..........и најважното од се.........ЉУБОВТА која ТОЈ ни ја подари.

ТОШЕ ТЕ САКАМЕ!!!!!!!!!!!!!!!!!!!!!!!!!!!!!!!!

05.10.2008.

РАЗДЕЛБА СО АНГЕЛОТ

05.10.2007-Тоше на овој ден одржа голем концерт на градскиот стадион.Благодарение на една другарка,навреме купив карти иако поголемиот дел веќе беа распродадени.Сум присуствувал на неколку настапи на ТОШЕ и секогаш сум бил воодушевен од огромната љубов и енергија кои тој им ги пружаше на публиката.

Во 18 часот заедно со моите родители се качивме во такси и тргнавме.Бидејки сообраќајот беше блокиран,моравме да се симнеме пред парк.Бевме пречекани од редици народ кои по кејот се упатуваа кон стадионот.Кога пристигнавме луѓето веќе се качуваа кон влезот на јужната трибина.Половина час,а можеби и повеќе,бевме заглавени во толпата.Луѓе од сите возрасти и различни краеви на Македонија беа дојдени на овој голем спектакл.Кога најпосле влеговме,јужна веќе беше полна.Исто толку народ имаше и долу на теренот.Со врискотници и аплауз ТОШЕ беше пречекан на сцената.Тој ни се поклони на нам,публиката и заедно со неговиот бенд и гости ни пружи незаборавно тричасовно доживување."Игри без граници","Тајно моја","Срце није камен" се само дел од неговите големи хитови кои таа вечер сите заедно ги пеевме.Не постојат доволно зборови со кои може да се опише огромното ѕвездено небо кое ние го направивме за ТОШЕ.Целиот концерт би сакал повторно да го доживеам.Но...................

Еве ме сега по една година,седам и го пишувам овој текст кој во мене буди се повеќе спомени.Кој би помислил дека нешто толку убаво може да претставува една болна разделба?Вечер на истото место,во истото време се одржува голем хуманитарен концерт под слоганот "ТОШЕ,ТЕ САКАМЕ СИТЕ".Вечерва сите ќе се собереме,но ништо повеќе не е исто.Го нема ТОЈ кој ќе го направи овој концерт нешто убаво за паметење,ТОЈ кој на сите ни пружаше огромна љубов,ТОЈ кој беше голем хуманист и верник и за кого музиката претставуваше се........

Но сепак,неговиот дух секогаш ќе биде присутен околу нас.Никогаш нема да заборавиме кој е ТОШЕ......Никогаш нема да го заборавиме неговото искрено и топло "ВЕ САКАМ СИТЕ".

27.09.2008.

СИТЕ ТЕ САКАМЕ,ТОШЕ

На 5 октомври на Градскиот стадион во Скопје со почеток во 19.30 часот,ќе се одржи голем концерт во чест на нашиот ангел ТОШЕ,под мотото СИТЕ ТЕ САКАМЕ, ТОШЕ.Билетите се во продажба со симболична цена од 200 денари.Сите средства собрани од концертот ќе бидат донирани во хуманитарни цели.Водители на шоуто ќе бидат Ели Танасковска,Игор Џамбазов и Тони Михајловски.На концертот треба ќе настапат 25 музички имиња од Балканот и пошироко,со кои ТОШЕ беше близок пријател и соработник.Меѓу нив се и Симон Трпчевски,Калиопи,Наум Петрески,Аки Рахимовски,Гоца Тржан,Леонтина,Руслана и Виталиј Козловски од Украина и други познати имиња од естрадата.Тие ќе ги изведат најголемите хитови на ТОШЕ, придружувани од оркестарот на Македонската опера и балет,под диригентската палка на Саша Николовски-Ѓумар.Воедно на концертот ќе биде и промоцијата на англискиот албум.На телефонскиот број 143 100,секој ќе има можност да донира средства од кој и да е мобилен оператор.Организатор на овој спектакуларен концерт е меѓународната фондација "Тоше Проески".

Ајде сите да се собереме на овој ден и да му покажеме на нашиот ангел колку го сакаме.Овој концерт беше неговата најголема желба и сите да се обидеме да му ја оствариме.

Затоа што ТОШЕ го заслужува најдоброто..........

16.09.2008.

..............11 МЕСЕЦИ....................

Велат дека времето ги лечи раните........но.......за оваа рана нема лек!

Сеуште не можам да поверувам што се случи на тој кобен ден.............но се надевам дека  ке ја дознаеме ВИСТИНАТА!!!

07.09.2008.

КРУШЕВО-02.08.2008

Еве неколку слики.....за кои немам коментар.....









Татко ми со своето службено куче Гром
Татко ми со своето службено куче Гром








29.08.2008.

Божји пат

На 15то јубилејно издание на Охрид фест-охридски трубадури,Антонија Шола со песната Божји пат,во конкуренција од 24 композиции,го освои првото место од гласовите на публиката,а второ од жирито.Песната беше интерпретирана на Македонски јазик.Текстот има силен карактер и очигледно е кому му е наменет.Антонија Шола е прв изведувач од Хрватска која пеела на Македонски јазик,за кој вели дека го засакала од дружењето со Тоше и кој максимално се труди да го изучува.Во септември е најавена промоцијата на нејзиниот албум на Македонски јазик.Браво за Антонија!

29.08.2008.

Остварен сонот на Тоше

Верскиот празник Свето Преображение, што крушевчани го слават во манастирот над градот на 18 и на 19 август, од оваа година доби поголемо значење бидејќи покрај величењето на патронот, се славеше и ликот и делото на македонската поп-икона Тоше Проески. Неговите две големи врамени фотографии, поставени на централно место во манастирот, уште од денот кога тој трагично почина на 16 октомври минатата година, веќе се икони. Редици луѓе ги бакнуваат фотографиите од Тоше, ги даруваат со подароци, пред нив палат свеќи во чест на великанот и идолот, кој во својот 26-годишен живот покажа голема човечка емотивност и духовност.
Иако масовната посетеност на манастирот почна уште минатиот викенд, бројката на посетители најмногу се зголеми во понеделникот вечерта, а многу од верниците кои успеаја на време да си обезбедат место, преспаа во конаците или во дворот, покриени со јамболлии. Свеќите во манастирот немаат цена, секој остава колку што сака.
Годинава не се запеа песната пред манастирот, она што Тоше го правеше секогаш, не се заигра традиционалното оро. Повеќето од нив влегуваа со голема тага, со солзи во очите, помладите посетители носеа маички со ликот на Тоше и посвети за него.
Литургија се одржа во понеделникот вечерта и вчера на пладне, по што тројцата попови од Крушево го осветија и големиот билборд кој од неодамна е поставен во манастирскиот двор. На него е прикажан Тоше со крст и со качулка на глава, инаку фотографија која е избрана од неговите родители.
Двата дена во манастирската трпезарија се служеше вечера и ручек, финансирана од Фондацијата „Тоше Проески“, а волонтерски помогната од другарите на Тоше и од роднини и пријатели.


На влезот од градот - прегратка од Тоше

На влезот во Крушево е поставен голем билборд од досега необјавена фотографија, на која насмеаниот Тоше пее клекнат на коленици и со раширени раце, чиниш ќе те гушне. Деновиве Крушево и комплексот околу манастирот беше Европа во мало - пристигнуваа колони возила од цела Македонија, од Бугарија, Грција, Србија, Хрватска, Романија, Босна и Херцеговина, Словенија, Италија, Австрија, па дури и од Велика Британија.
Вчера на пладне преку Албанија допатуваа и четирите автобуси со хрватски фанови, а најавено беше доаѓање и на хрватската пејачка Антонија Шола. И композиторот Валентино Скендеровски со семејството присуствуваше на прославата. Пристигањето на Премиерот, Претседателот, како и на неколку министри и на македонскиот владика беше одложено заради презафатеност. Официјални лица ќе присуствуваат в сабота, на свеченото отворање на асфалтираниот пат од Крушево до манастирот, како и на осветувањето на манастирот, кое ќе се случи наскоро, откако ќе пристигне иконостасот од Белград.


Подароци на почивалиштето

Вчера попладне се одржа литургија и молитва и на почивалиштето на идолот. Илјадници посетители го посетија и почивалиштето на мегаѕвездата, задолжително со цвеќиња, подароци - мечиња, срциња. Некои од нив ги оставаа своите дарови, а си земаа за себе дел од тие кои веќе беа поставени од други посетители пред нив. Борис Џепар, кој ја подари мермерната гитарата со посвета, по повод овој празник на почивалиштето остави голем крст со Исус Христос и со емотивно трогателна порака до Тоше. Редици луѓе го посетуваа и местото каде по желба на Тоше ќе се гради крст од 33,5 метри што ги симболизира годините на Исусовиот живот.



Крводарителска акција пред манастирот

По стапките на Тоше, кој, меѓу другото, беше и крводарител и со својот пример поттикна многумина, на манастирот два дена во импровизирани шатори се одвиваше крводарителска акција. Беа собрани околу 150 шишенца крв. Вчера крв даруваше и Лилјана Петровиќ, менаџерската на мегазведата.

ВРЕМЕ-20.08.2008


Stariji postovi

Eden i edinstven........TOSE PROESKI
<< 10/2010 >>
nedponutosricetpetsub
0102
03040506070809
10111213141516
17181920212223
24252627282930
31

FLAG COUNTER

СПОТОВИ

SLIDESHOW

АЛБУМИ
НЕКАДЕ ВО НОЌТА(1999)

1. Твоите бакнежи на моите бели кошули
2. Ех, да сум злато
3. Го молам небото да ми те врати
4. Скрши ме
5. После дождот доаѓа сонце
6. Руски рулет
7. Пушти ме
8. Остани до крај
9. Побегни
10. Сонце во твоите руси коси
11. Усни на усни

СИНОТ БОЖЈИ(2000)

1. Синот божји
2. Немир
3. Ноќна игра
4. Во коси да ти спијам
5. Казна моја си ти
6. Излази ме уште еднаш
7. Илузија
8. Солзи прават златен прстен
9. Тајно моја

АКО МЕ ПОГЛЕДНЕШ ВО ОЧИ(2002)

1.Ако ме погледнеш во очи
2.Соба за тага
3.Магија(ТОШЕ&Есма)
4.Hold me tonight
5.Уште една скала
6.Место на злосторот
7.Лименка
8.Студена
9.Немаш ни благодарам
10.Лименка/club mix

AKO ME POGLEDAS U OCI(2002)

01. Ako me pogedas u oci
02. Soba za tugu
03. Cini / Tose Proeski & Esma Redzepova
04. Hold me tonight
05. Jos jedan stepenik
06. Mesto zlocina
07. Limenka
08. Ledena
09. Meni hvala nijedno
10. Limenka / club mix
11. Luda mala


ДЕН ЗА НАС(2004)

ЦД 1
1.Ѕвездо севернице
2. Ме сакаш со зборови
3. Жена балканска
4. Има ли ден за нас
5. Велам лејди
6. Никада
7. Чија ли си
8. Лајф
--------------------------------------
ЦД2
1.Далеку од мене
2. Сон егзотичен
3. Љубена
4. Зошто отиде
5. Ангел си ти
6. Еј синоока, еј босонога
7. Парче од Европа
8. Го лажам секој нов рефрен

DAN ZA NAS(2004)

01. Zvijezdo severnice
02. Kad varas ti
03. Zena balkanska
04. Ima li dan za nas
05. Kazem lejdi
06. Nikada
07. Cija si
08. Life
09. Pogledaj u mene
10. San egzotican
11. Oprosti
12. Sto si otisla
13. Hej plavooka, hej bosonoga
14. Kad srce plati stari dug

ПО ТЕБЕ(2005)

1. По тебе
2. Жао ми је
3. Рани на усните
4. Слушаш ли
5. Малечка
6. Громови на душа
7. Лошо ти стои
8. Кој ли ти гризе образи
9. Полско цвеќе
10. Нај, нај
11. За овој свет

Бонус:
12. Лагала нас мала
13. This World
14.Крајње време

PRATIM TE(2005)

01. Pratim te
02. Zao mi je
03. Rane na usnama
04. Cujes li
05. Mala
06. Jedina
07. Lose ti stoji
08. Ko ti to grize obraze
09. Poljsko cvijece
10. Naj, naj
11. Za ovoj svet
12. Lagala nas mala / Tose Proeski & Tony Cetinski
13. This world
14. Krajnje vrijeme / Tose Preski & Anja Rupel

БОЖИЛАК(2006)

1.Бор садила мома Евгенија
2. Се посврши сербес Донка
3. Ако одам во Битола
4. Јовано, Јованке
5. Калеш Анѓа
6. Море сокол пие
7. Не си го продавај Кољо чифликот
8. Си заљубив едно моме
9. Учи ме мајко, карај ме
10. Со маки сум се родил
11. Дејгиди луди млади години
12. Нажалена невеста
13. Зајди, зајди јасно сонце
14. Мајка на Марика думаше

ИГРИ БЕЗ ГРАНИЦИ(2007)

1.Душа остана
2. Никој како тебе не бакнува
3. Боже, чувај ја од зло
4. Месечина
5. Игри без граници
6. Среќна ли си ти?
7. Најдрага моја
8. Јас не сум виновен
9. Цреша

Бонус песни:
10. Волим осмјех твој
11. Вези ме за себе
12. Остала си увјек иста
13. Срце није камен
14. Несаница
15. Несаница (ремикс)
16. Feeling good

IGRE BEZ GRANICE(2007)

1. Pola duše, pola srca
2. Ubijaš me usnama
3. Bože brani je od zla
4. Mjesecina
5. Igra bez granica
6. Dal' si sretnija
7. Najljepše moje
8. Sreco ne krivi me
9. Još i danas zamiriše trešnja








LYRICS
CIJA SI

Ponovo si nocas mila
Lagala da ni si bila s njim
Ja to osetim...
Ponovo su usne tvoje
Drhtale ko da se boje
Da ti ne oprostim

Zasto ti je to
Trebalo zar ni si mogla ti
Priznati

Chorus:
Jos su ti usne umorne
I sve sto kazes znam da nije
Jos su ti suve cipele
Napolju znam da kisa lije
Jos su ti vreli obrazi
U oku sjaj ne prolazi
Jos ti na licu pise cija si
Samo moja ni si
Jos su ti usne umorne
I sve sto kazes znam da nije
Jos su ti suve cipele
Napolju znam da kisa lije
Jos su ti vreli obrazi
U oku sjaj ne prolazi
Jos ti na licu pise cija si

Uzalud mi krijes lice
Znam te oci izdajice
Sve si odglumila
Isprljana poljupcima
Otrovana dodirima
Znam da si lagala

Zasto ti je to
Trebalo zar ni si mogla ti
Priznati

Chorus [x2]:
Jos su ti usne umorne
I sve sto kazes znam da nije
Jos su ti suve cipele
Napolju znam da kisa lije
Jos su ti vreli obrazi
U oku sjaj ne prolazi
Jos ti na licu pise cija si
Samo moja ni si
Jos su ti usne umorne
I sve sto kazes znam da nije
Jos su ti suve cipele
Napolju znam da kisa lije
Jos su ti vreli obrazi
U oku sjaj ne prolazi
Jos ti na licu pise cija si

DALEKU OD MENE

Sekoj den
Sekoj proklet den so tebe
Ubiva
Ljubovta vo grev ja pretvora
Nema nacin da se spasi
Ne dopiras do mene
Za nas dvajca sonot umira

Chorus:
Daleku od mene
Daleku od tebe
Ljubovta se sokrila
Dlaboko vo mene
Vekje dolgo vreme
Ti si samo uteha
Bran od silen gnev
Vo mene udira

Sekoj den
Bura od tvojot gnev me sledi
Ne sum vinoven jas
Nisto ne ostanalo od nas
Nema nacin da se spasi
Ne dopiras do mene
Za nas dvajca sonot umira

Chorus:
Daleku od mene
Daleku od tebe
Ljubovta se sokrila
Dlaboko vo mene
Vekje dolgo vreme
Ti si samo uteha
Bran od silen gnev
Vo mene udira

Daleku od mene
Daleku od tebe
Ljubovta se sokrila
Dlaboko vo mene
Vekje dolgo vreme
Ti si samo uteha
Bran od silen gnev
Vo mene udira

IMA LI DEN ZA NAS

Cekorot moj vodi kaj sto si ti
Sonliv grad i kutre,
Cuvas li ti eden kufer so sni
Malku sjaj za utre
Tropnuvam pak kako togas kaj vas
Glasot tvoj go slusam
Prekrasna si gledam bezdna pred nas
Mojot cvet bez dusa?!

Chorus:
Ima li den za nas
Da otkrijam deka sum ziv
Da frlam prevez od strav i strast
Da potpisam deka sum kriv
Ima li bar eden den za nas
Da otkrijam deka sum ziv
Da frlam prevez od strav i strast
Da potpisam deka sum kriv
Prozbori!

Vratata nokjva e svedok na se
Bolkata e tocna,
Nieden zbor nema ogan i led
Kako li da pocnam?
Cekorot moj vodi kaj sto si ti
Sonliv grad i kutre
Cuvas li ti eden kufer so sni
Malku sjaj za utre?

Chorus:
Ima li den za nas
Da otkrijam deka sum ziv
Da frlam prevez od strav i strast
Da potpisam deka sum kriv
Ima li bar eden den za nas
Da otkrijam deka sum ziv
Da frlam prevez od strav i strast
Da potpisam deka sum kriv
Prozbori!

Ima li den za nas
Da otkrijam deka sum ziv
Da frlam prevez od strav i strast
Da potpisam deka sum kriv
Ima li bar eden den za nas
Da otkrijam deka sum ziv
Da frlam prevez od strav i strast
Da potpisam deka sum kriv
Prozbori!

Tose Proeski
Jos jedan stepenik:

Jos jedan stepenik samo
Najtezi korak do sad uz stare stepenice
Jer znam da ceka me tamo
Tvoj grjesni osmijeh i tvoje lazne trepavice
Pa se za usnu ugrizi I bit ce dosta da znam da sam ti znacio
Nasa je ljubav u krizi
Na njemu lancic je tvoj

Refr. |

I sve sam svatio sam kome
Nocas zvona zvone
I skim spavas ti u sretskoj osam kroz tri

Svatio sam kome
Nocas zvona zvone
I skim spavas ti u sretskoj osam kroz tri

Jos jedan stepenik samo, noga bi krenula znam al srce nazad hoce
Jer zna sta ceka ga tamo
Minut do dna i jos dva minuta do samoce
Pa pusti njegovu ruku dok sa mnom pricas da znam da sam ti znacio
Za tvoju napustam luku jer ja sam slucajno tu

Refr. |

I sve sam svatio sam kome
Nocas zvona zvone
I skim spavas ti u sretskoj osam kroz tri

Refr. ||

Svatio sam kome
Nocas zvona zvone
I skim spavas ti u sretskoj osam kroz tri

Jos jedan stepenik samo
Najtezi korak do sad uz stare stepenice

LIFE

Saw my ID it wasn't me
it was someone else's identity
why do I need to prove my self
and who is the judge of my sanity.

Roaming through my old emotions
I find new feelings of misery
I bet with my soul to get back the truth
were i will face reality.

Chorus:
Life is a book and you've got to read it
Life is a story and you've got to tell it
Life is a song and you've got to sing it
You've got to know how to live it!

Walking around with some thoughts on my mind
I'm search for place where I'll be free
from all that i said and from all that's been done
It will be hard to find it inside of me.

I know that I've gotta try
No one can see me cry
I can't take it anymore
I must find a way to let my self go.

Chorus:
Life is a book and you've got to read it
Life is a story and you've got to tell it
Life is a song and you've got to sing it
You've got to know how to live it!

That is true; you know it don't you…

MOJI FAVORITI

BROJAČ POSJETA
13975

Powered by Blogger.ba